मंसिर १३, काठमाडौ : साउदीको मिडिया मन्त्रालयले विश्वकप खेलहरू प्रशारण गर्ने कतारको स्वामित्वमा रहेको स्ट्रिमिङ प्लेटफर्ममा प्रतिब-न्ध लगाएपछि कतार र साउदी
अरबबीचको सम्बन्ध फेरि चर्चामा आएको छ । साउदीले मध्य पूर्व र उत्तर अफ्रिका क्षेत्रमा विश्वकपको प्रसारण अधिकारको स्वामित्व पाएको च्यानलमाथि प्रति-बन्ध लगाएको हो ।
यस क्षेत्रका खेलहरूलाई २२ फ्री टु एयर खेलहरू बीच विभाजन गरिएको छ । जबकि मध्य पूर्व र उत्तर अफ्रिका क्षेत्रमा बाँकी ४२ खेलहरु टोड टिभी भनिने स्ट्रिमिङ प्लेटफर्ममा प्रसारण गरिन्छ।
विश्वकप खेल सुरु हुनुभन्दा एक घण्टा पन्ध्र मिनेट अघि बेइनका कार्यकारीहरूले उनीहरूको स्ट्रिमिङ प्लेटफर्मलाई साउदी अरेबियामा अव-रुद्ध पारिएको थाहा पाएका थिए ।
प्लेटफर्म साउदी अरेबियामा जनवरी ७, २०२२ देखि स्मार्ट टिभी र उपभोक्ताहरूका लागि प्रत्यक्ष रूपमा सञ्चालनमा आएको हो । साउदीमा टोड टिभीका दर्शकहरु नेटफ्लिक्सका भन्दा पनि धेरै छन्।
तर यो हप्ता साउदीमा यसका लाखौं ग्राहकहरुको लागी यो उपलब्ध छैन। साउदीहरूले मंगलबार अर्जेन्टिनामाथि आफ्नो ऐतिहासिक विजय हेर्न भने सक्षम थिए किनभने यो फ्री टु एयर उपलब्ध गराइएको खेलहरू मध्ये एक थियो । त्यस्तै पोल्याण्ड विरुद्धको शनिबारको खेल पनि निःशुल्क देखाइएको थियो ।
तर साउदीहरूले हाल विश्व कप खेलहरू ठूलो संख्यामा हेर्न असमर्थ छन्, जुन आफ्नो पहिलो खेलमा अर्जेन्टिनालाई हराएपछि राष्ट्रिय छुट्टी मनाउने देशका लागि आश्चर्यजनक देखिन्छ।
उदघाटन समारोहमा साउदी अरेबियाका प्रिन्स मोहम्मद बिन सलमान र कतारी शासक अमिर शेख हमाद बिन खलिफा अल थानी दुई सिट टाढा बसेका थिए । फिफा अध्यक्ष जियानी इन्फान्टिनो बीचमा बसेका थिए, जसले कतारमा विश्वकपको उद्घाटन दिनहरूमा एकताबद्ध मोर्चा प्रस्तुत गरेका थिए ।
साउदीका राजकुमार र कतारका अमिरले एकअर्काको टोलीका लागि स्कार्फ लगाएर फोटो समेत खिचेका थिए। साउदी राजकुमारले कतारलाई विश्व कपमा सम्भव भएसम्म समर्थन गर्न आफ्नो देशलाई आदेश दिएका थिए ।
