सेप्टेम्बर १५, सिड्नी : अहिले अष्ट्रेलियाका धेरैजसो राजधानी सहरमा प्रतिलिटर १.६० डलरको हाराहारीमा रहेको पेट्रोलको मूल्य आगामी साताबाट प्रतिलिटर २ डलरभन्दा बढी पुग्ने आँकलन गरिएको छ ।
संघीय सरकारले इन्धन करमा गरेको अस्थायी कटौती सेप्टेम्बर ३० मा अन्त्य गर्नेभएसँगै पेट्रोलको मूल्य प्रतिलिटर २५ सेन्टले वृद्धि हुने आँकलन गरिएको हो । उपभोक्ता सञ्जाल वान बिग स्विचले आगामी महिनामा पेट्रोलको मुल्य उच्च वृद्धि हुने चेता-वनी दिएको छ ।
उपभोक्ता सञ्जालले करिब ६० सेन्ट बढ्न सक्ने आँकलन गरेको छ । उपभोक्ता अधिकारकर्मीहरुले चालकहरूलाई आफ्नो सवारीको ट्याङ्की भर्न दिएका छन् । मुल्यवृद्धीको चक्र स्वरुप सिड्नीका केही पेट्रोल स्टेशनहरूमा प्रति लिटर मुल्य लगभग १.९५ डलर पुगिसकेको छ ।
अष्ट्रेलियाका उपभोक्ता अधिकारकर्मीहरुले आगामी हप्ताहरूमा सवारीधनीहरूलाई कडा मार पार्ने जानकारि गराएका छन् । खुद्रा विक्रेताहरूले समेत नियमित चक्रको रूपमा मूल्य बढाउने र यसको मारमा उपभोक्ताहरु पर्ने चेता-वनी दिदैआएका छन् ।
पूर्वप्रधानमन्त्री स्कट मोरिसनको सरकारले पेट्रोलको अन्तः शुल्कमा दिएको छुट अल्बानिज सरकारले अन्त्यको घोषणा गरेसँगै पेट्रोलको मुल्यबृद्धीसँगै यसको मार अन्य क्षेत्रमा समेत पर्ने भन्दै धेरैले चिन्ता व्यक्त गरिरहेका छन् । तर सरकारी अधिकारीहरुले पेट्रोलको मुल्यबृद्धी लगायतलाई नियमित प्रक्रियाका रुपमा अथ्र्या-एका छन् ।
