२०७९ श्रावण २२ आईतवार
  • काठमाडौँ

साउदीमा नक्कली “ट्राभल डकुमेन्ट” बनाउने यात्रुलाई १ लाख रियालसम्म जरिवाना, ५ वर्ष प्रतिबन्ध !

साउदी, रियाद : साउदी अरबले कानून उल्लंघन गर्दै यात्रा कागजात (ट्राभल डकुमेन्ट) बनाउने विदेशी नागरिकका लागि जरिवाना रकममा गुणात्मक वृद्धि गरेको छ।

साउदीको मन्त्री परिषद्द्धारा हालै अनुमोदित कानूनमा ‘ट्राभल डकुमेण्ट’ को पालना नगर्ने व्यक्तिलाई १ लाख साउदी रियालसम्मको दण्ड जरिवाना गराउने प्रावधान राखिएको छ। यसअघि जरिवाना शुल्क ५ हजार साउदी रियाल मात्र थियो।

संसोधित विधान अनुसार ‘ट्राभल डकुमेन्ट’ को उल्लंघन गर्ने व्यक्तिलाई पाँच वर्षसम्म यात्रा प्रतिबन्ध लगाइने नियम पनि अनुमोदन भएको छ। यसअघि उल्लंघनकर्तालाई तीन वर्ष यात्रा प्रतिबन्ध लगाउने नियम थियो।

यस्ता उल्लंघनकर्तावि’रुद्ध लागू हुनेछ कारवाहीः
१. राहदानीमा उल्लेखित विवरणमा थपघट वा परिवर्तन गर्ने व्यक्ति उपर।

२. राहदानी र यात्रा अनुमतिपत्रमा अप्रतिबन्धित पहुँच वा आवागमन बनाउने व्यक्ति उपर।
३. जानीजानी राहदानी वा अन्य यात्रा कागजात नष्ट गर्ने वा त्यस्ता कागजातमा व्यक्तिगत फोटो परिवर्तन गर्ने व्यक्ति उपर।
४. लापरवाहीको कारण राहदानी वा यात्रा अनुमतिपत्र हराउने व्यक्ति उपर।

५. जानीजानी राहदानी वा यात्रा अनुमतिपत्र गैरकानुनी रूपमा दुरुपयोग वा बिक्री वितरणमा संलग्न हुने व्यक्ति उपर।
६. तेस्रो पक्षसँग सम्बन्धित राहदानीको प्रयोग गर्ने व्यक्ति उपर।

७. यात्रा कागजात (ट्राभल डकुमेन्ट) बिना साउदी अरब छोडेर अन्यत्र जान खोज्ने वा साउदी अरब प्रवेश गर्न खोज्ने व्यक्ति उपर।
८. निर्धारित बिन्दुबाहेक अन्य बिन्दुबाट राज्यमा प्रवेश गर्ने वा छोड्ने यात्री उपर।

संसोधित नियमअनुसार यात्रा कागजात कानून (ट्राभल डकुमेन्ट ल) र यसको कार्यकारी नियमको कुनैपनि प्रावधानको उल्लंघन गर्नेलाई जरिवाना लगाइने स्रोतले बताएको छ। यद्यपि क्षम्य (माफी योग्य) भएका यात्रीको हकमा भने सो कारवाही नगरिने बताइएको छ।

यस्तै, संसोधित यात्रा कानुन अनुसार यात्रा प्रतिबन्धित देशहरू आन्तरिक मन्त्रीले तय गर्ने र राहदानी महानिर्देशनालय अन्तर्गत रहेका विभागले उल्लंघनकर्ताविरु’द्ध आवश्यक कारवाही गर्ने छन्।

यसै सन्दर्भमा कानूनले यात्रा कागजात कानून वा यसको कार्यकारी नियमको उल्लंघन गनेका लागि निर्धारण गरिएका यसभन्दा पूर्वका सजायसम्बन्धी अन्य व्यवस्थालाई पनि समेटेको बताइएको छ।

२०७९ जेष्ठ २, सोमबार प्रकाशित 1 Minute 146 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार