कात्तिक १३, काठमाडौँ : सरकारले अब त्रिभुवन विमानस्थलबाट चार्टर्ड उडान गर्न प्रतिबन्ध लगाएको छ । भैरहवास्थित गौतबुद्ध अन्तर्राष्ट्रिय विमानस्थलको
सञ्चालन खर्च उठाउनुपर्ने भन्दै त्रिभुवन विमानस्थलबाट चार्टर्ड उडान गर्न नदिने निर्णय नेपाल नागरिक उड्डयन प्राधिकरणले गरेको हो । दैनिक ४० उडान क्षमता भएको भैरहवास्थित एयरपोर्टले विमान उडानमा कमि आएपछि सञ्चालन
खर्च समेत उठाउन नसकेपछि प्राधिकरणले यस्तो निर्णय गरेको हो । त्यस्तै प्राधिकरणले काठमाडौँबाट दैनिक तीन भन्दा बढी अन्तर्राष्ट्रिय उडान गर्ने नेपाल एयरलाइन्स र हिमालय एयरलाइन्सलाई उडान तालिकामा भैरहवाबाट पनि उड्न
बाध्यकारी गराउने गरी त्रिभुवन विमानस्थलबाट हुने केही उडान कटौती गरिदिएको छ । प्राधिकरणले उडान कटौती गरिदिएपछि नेपाल एयरलाइन्स र हिमालय एयरलाइन्सले अब भैरहवा
स्थित विमानस्थलमा २–२ वटा अन्तर्राष्ट्रिय उडान गर्न बाध्यकारी व्यवस्था गरेको छ । यसै नियमानुसार तीन भन्दा बढी उडान भर्ने विदेशी वायुसेवा कम्पनीहरुले समेत आगामी १५ डिसेम्बरदेखि भैरहवामा उडान भर्ने तालिका बनाउन पर्ने भएको छ ।
