२०७९ असार १५ बुधबार
  • काठमाडौँ

“कबड्डी-४” ले दुई हप्तामै कमायो १८ करोड ७८ लाख !

जेठ २७, काठमाडौं : अभिनेता दयाहाङ राई, सौगात मल्ल र मिरुना मगर स्टारर् ‘कबड्डी–४’ले बक्स अफिसमा राम्रो कलेक्शन गरिरहेको छ ।

यो फिल्मले दुई सातामै १८ करोड ७८ लाख बढीको कलेक्शन गरेको छ । निर्माण पक्षका अनुसार फिल्मले १४ दिनमा काठमाडौं उपत्यकामा ९ करोड ९८ लाख र मोफसलमा ८ करोड ८० लाख बढीको कलेक्शन गरेको हो ।

शुक्रबार (आज)देखि तेस्रो सातामा प्रवेश गरेको यस फिल्मले चाँडैनै २० करोडको आँकडा पार गर्ने आँकलन गरिएको छ । जानकारी अनुसार फिल्मले मुख्य मल्टिप्लेक्स चेन क्यूएफएक्सबाट मात्र ५ करोड ६३ लाख कलेक्शन गरेको छ ।

भने आईएनआईमा मात्र ३ करोड १० लाखको ब्यापार गरेको छ । मुलुकभर यो फिल्म डेढ सय बढी हलबाट दर्शकमाझ रिलिजमा आएको छ । ‘कबड्डी–४’ले नेपालमा मात्र नभई विदेशमा पनि उत्कृष्ट कमाइ गरिरहेको छ ।

निर्माण पक्षका अनुसार फिल्मले अमेरिकाबाट ४ करोड, जापानमा ७० लाख कलेक्शन गरिसकेको छ । त्यस्तै विदेशको राइट बिक्रीबापत निर्माताले २ करोड २१ लाख रुपैयाँ प्राप्त गरेको छ ।

२०७९ जेष्ठ २७, शुक्रबार प्रकाशित 0 Minutes 113 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार