जेठ १२, तनहुँ : जिल्ला समन्वय समितिको कार्यालय तनहुँमा बुधबार व्यास नगरपालिकाका नव निर्वाचित जनप्रतिनिधिहरुको प्रमाण–पत्र तथा सपथ ग्रहण कार्यक्रम थियो ।
बिहान ११ बजेदेखि हुने भनिएको कार्यक्रम केही समय पछि धकेलियो । नवनिर्वाचित जनप्रतिनिधि नै निर्धारित समयभन्दा पछि आएका थिए । सपथ ग्रहण कार्यक्रममा कोही आफ्नो निजी सवारी साधन लिएर आएका थिए भने कोही पैदल नै आएका थिए ।
तर, व्यास नगरपालिकाको उपप्रमुखमा निर्वाचित इन्दिरा दरै भने जनप्रतिनिधिको सपथ ग्रहण नलिँदै नगरपालिकाको गाडीबाट कार्यक्रममा आएकी थिइन् । उपमेयर दरैलाई लिनको लागि गाडी घरमै पुगेको बताइएको छ ।
सबै जनप्रतिनिधिलाई मुख्य निर्वाचन अधिकृत हरिशचन्द्र ढुंगानाले प्रमाणपत्र वितरण गरेका थिए, भने नगरप्रमुख बैकुण्ठ न्यौपानेले सपथ खुवाएका थिए ।
२०७९ जेष्ठ १२, बिहीबार प्रकाशित
0 Minutes
1094 Views
