बैशाख ८, भैरहवा : नेपाल नागरिक उड्ययन प्राधिकरणले बिहीबारदेखि भैरहवास्थित गौतमबुद्ध विमानस्थलको पुरानो १५ सय मिटर लामो धावनमार्ग बन्द गरेर अन्तर्राष्ट्रियतर्फको ३
हजार मिटर लामो नयाँ धावनमार्ग सञ्चालनमा ल्याएको छ।
बिहीबारदेखि गौतमबुद्ध विमानस्थलको नयाँ धावनमार्गबाट आन्तरिक उडान सुरु भएको हो । अन्तर्राष्ट्रियतर्फको धावनमार्गबाट पहिलो उडान यति र अवतरण बुद्ध
एयरलाइन्सको जहाजले गरेको विमानस्थलका प्रबन्धक गोविन्द दाहालले बताए । भैरहवाको अन्तर्राष्ट्रिय विमानस्थलको धावनमार्ग बिहीबारदेखि सञ्चालन भए पनि अन्तर्राष्ट्रिय उडान भने जेठ २ गते बुद्धजयन्तीबाट हुने छन् । तर, विदेशबाट आएका जहाज सिमराको आकाशमा होल्डमा फन्को
लगाउनुपर्ने अवस्था आइहालेअब बंगलादेश र भारततर्फ डाइभर्ट हुनुपर्ने छैन । अब विदेशी जहाजले काठमाडौं विमानस्थल बन्द भएको अवस्था वा अन्य कुनै इमरजेन्सी कारणमा भैरहवा विमानस्थलमा अवतरण गर्न सक्नेछन् । कान्तिपुर बाट
