२०७९ जेष्ठ ७ शनिबार
  • काठमाडौँ

राजेन्द्र लिङ्देन भन्नुहुन्छ : अबको निर्वाचनमा राप्रपा शक्तिशाली पार्टीका रूपमा उदाउने छ ।

काठमाडौं : राष्ट्रिय प्रजातन्त्र पार्टीका अध्यक्ष राजेन्द्र लिङ्देनले यथास्थितिमा देशले परिवर्तनसँगै विकल्प खोजेको बताएका छन् । राप्रपा चाँगुनारायण–८ वडा समितिले हिजो सुडालस्थित

मिश्रिकोटारमा आयोजना गरेको आमसभामा उहाँले नेपाली जनताले नै देश हाँक्ने, तर ब्यबस्थापन गर्ने दल र नेतृत्वको विकल्प आवस्यक रहेकोे बताउनु भयो । कार्यक्रमलाई सम्बोधन गर्दै नेता लिङ्देन भन्नुहुन्छ “देश चलाइरहेका

र चलाइसकेका दलहरुबाट जनताले आशा र भरोसा पाउन सकेनन्, त्यसैले जनताले विकल्प खोजेका छन्, जनताले चाहेको विकल्प राप्रपा नै हो, अबको निर्वाचनमा राप्रपा शक्तिशाली पार्टीका रूपमा उदाउने छ, त्यसका लागि तपाईं सबै नेता कार्यकर्ता जनताको घरघरमा जानुस् ।”

नेता लिङ्देनले कांग्रेस र कम्युनिष्टले जनताको भावनानुसार काम गर्न नसकेको आरोप लगाउँदै, जनतालाई परिवर्तनको आभाष दिन र विकास गर्न अब राप्रपालाई जनताले विश्वास गर्ने दाबी गर्नुभएको थियो ।

कांग्रेस, एमाले, माओवादी केन्द्र, मधेसवादी दलबाट देशको स्थिरता, विकास र समृद्धि नआउने भन्दै अध्यक्ष लिङ्देनले लामो समय देशको नेतृत्व गरिरहेका दलको गलत नीतिका कारण देशले निकास नपाएको बताउनु भयेको थियो ।

हिजो सम्पन्न आमसभामा राप्रपाका उपाध्यक्ष विक्रम पाण्डे, सहमहामन्त्री रवीन्द्रप्रताप शाह, प्रवक्ता सगुनसुन्दर लावती, प्रवक्ता ज्ञानेन्द्र शाही, केन्द्रीय सदस्य एवं नायिका रेखा थापा लगायतले अबको स्थानीय तहदेखि प्रदेश र संसदीय निर्वाचनमा राप्रपालाई जनताले खोजेको विकल्पसहितको शक्तिशाली पार्टी बनाउन सबैलाई आग्रह गर्नु भएको थियो ।

२०७८ चैत्र ८, मंगलवार प्रकाशित 0 Minutes 137 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार