२०७९ माघ २१ शनिबार
  • काठमाडौँ

अभिनेत्री अदिती बुढाथोकी भन्छिन् – हामीकहाँ व्यावसायिकता अझै कम छ ।

असोज १७, काठमाडौं : मोडलिङ क्षेत्रमा परिचित नाम अदिति बुढाथोकी अभिनयमा सक्रियता बढाउँदै छिन्। ‘कृ’मार्फत् अभिनयमा डेब्यु गरेकी अदिति अभिनित दोस्रो फिल्म बाबरी प्रदर्शनरत छ।

भारतीय म्युजिक भिडियोमा अभिनय गरिसकेकी अदितिले धेरै नेपाली फिल्मको अफर स्वीकार गरिनन्। म हतारमा फिल्म गर्ने सोचमा थिइनँ। कोरोना महामारीका कारण पनि ‘प्रोजेक्ट’ ढिला भएको हो। सुहाउँदो भूमिका आएमा काम गर्नेछु, उनले भनिन्।

नेपालबाटै मोडलिङको सुरुआत गरेर उनी भारतस्थित मुम्बईमा काम गरिरहेकी छन्। नेपालमा एक विज्ञापनमा काम गरेपछि अदितिलाई मुम्बईबाट मायालु नुडल्समा मोडलिङ गर्ने प्रस्ताव आएको थियो।

त्यसयता उनी मुम्बईमै मोडलिङ गरिरहेकी छन्। मैले मुम्बई वा नेपाल भनेर काम गरिरहेकी छैन। जहाँ मलाई प्रस्ताव गरिन्छ, बुझेर काम गर्ने गरेकी छु, उनले भनिन्।

यहाँको वर्किङ कल्चरले उनलाई समस्या पार्ने रहेछ। उनी थप्छिन्, हामीकहाँ अझै व्यावसायिकता कम छ। काम पूरा नगर्न बहाना बनाउन पाइन्छ। त्यसले सेड्युललाई असर गर्छ।

काममा पूर्णरूपमा समर्पित भएर नलागेसम्म त्यसले गतिलो नतिजा नदिने उनको बुझाइ छ। उनले डेब्यु फिल्ममा छायाङ्कनका लागि पटक-पटक नेपाल आउँदा काम

नभएपछि फर्किनुपरेको थियो। यही कारण पनि दोस्रो फिल्म उनले होम प्रोडक्सनकै गरिन्। म बाहिरी प्रोडक्सनमा पनि काम गर्न तयार छु। दुई फिल्मले मलाई वर्किङ कल्चर बुझाइरहेको छ, उनले भनिन्।

२०७९ आश्विन १७, सोमबार प्रकाशित 1 Minute 117 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।