जेठ २, काठमाडौं : काठमाडौं महानगरपालिकामा स्वतन्त्र उम्मेदवार बालेन साहले अग्रता बढाउँदै लगेका छन्। पछिल्ले मतपरिणाम अनुसार बालेन ५ हजार २ सय १४ मतसहित निकै अगाडि छन्।
उनलाई कांग्रेसकी सृजना सिंहले पछ्याइरहेकी छन्।
सिंहले ३ हजार ७ सय ४० मत पाउँदा नेकपा एमालेका उम्मेदवार केशव स्थापित तेस्रो नम्बरमा छन्। स्थापितले २ हजार ८ सय ३३ मत पाएका छन्।
यसअघि स्थापित दोस्रो नम्बरमा थिए। उता उपमेयरमा भने नेकपा एमालेका उम्मेदवार सुनिता डंगोल निकै अगाडि छन्। उनले ३ हजार ३ सय ८४ मत पाउँदा गठबन्धनका उम्मेदवार रामेश्वर श्रेष्ठले ९ सय ९२ मत पाएका छन्।
यस्तै राप्रपाकी उम्मेदवार बिनिता मगैयाल ७ सय ६० मत पाउँदा विवेकशील साझाका कीर्ति तुलाधरले १ सय ५७ मत पाएकी छन् ।
थप समाचार : पोखरा महानगरको प्रमुखका उम्मेदवार धनराज आचार्यले प्रतिद्वन्द्वीसँग मतान्तर दुरी बढाएका छन् । पछिल्लो मत परिणाम अनुसार नेकपा (एकीकृत समाजवादी)का
उम्मेदवार आचार्यले ३ हजार ४६५ मत प्राप्त गर्दा नेकपा एमालेका कृष्ण थापाले ३ हजार १०८ मत प्राप्त गरेका छन् ।
त्यस्तैगरी राप्रपाका शंकर खरालले ४६२ मत प्राप्त गरेको जनाइएको छ ।
