२०७९ आश्विन १९ बुधबार
  • काठमाडौँ

इतिहास रच्दै प्रेमगीत–३, नेपाल, भारत, अष्ट्रेलिया शहरसहित कहाँ-कहाँ हुँदैछ प्रदर्शन ?

असोज ४,काठमाडौं : प्रेमगीत–३ ले नेपाली चलचित्र इतिहासकै पहिलो इन्डो–नेपाली फिल्मका रुपमा इतिहास रच्ने भएको छ । सेप्टेम्बर २३ मा अष्ट्रेलियाका ८ शहरहरु न्यु साउथ वेल्स, भिक्टोरिया, क्विन्सल्याण्ड, साउथ अष्ट्रेलिया,

अष्ट्रेलियन क्यापिटल टेरिटोरी, वेस्टर्न अष्ट्र्रेलिया, नर्थन टेरिटोरी र तास्मानियामा फिल्म प्रदर्शन हुँन लागेको हो । अष्ट्रेलियामा अंग्रेजी तथा हिन्दी भाषाकै सरह विभिन्न सहरमा पहिलो पटक नेपाली फिल्म प्रदर्शन हुन लागेको बताइएको छ ।

अष्ट्रेलियाका २० हलमा प्रदर्शन हुने निश्चित भएको छ । नेपालमा बनेको बहुप्रतिक्षति फिल्म प्रेमगीत–३ हिन्दी भाषामा नै भारतका हलहरूमा पनि २३ सेप्टेम्बरमा प्रदर्शन सुरु हुँदैछ । यस्तै, उर्दू भाषामा समेत डबिङ गरिएको फिल्म पाकिस्तानमा पनि एकसाज रिलिज हुने निश्चित भइसकेको छ।

जापानमा समेत यो चलचित्रको प्रदर्शनी निश्चित भएको छ ।
सन्तोष सेनको निर्माण तथा निर्देशनमा बनेको फिल्म निर्देशनमा सेनले स्वर्गीय छेतेन गुरुङसँग सहकार्य गरेका छन्।

फिल्मको कथा पनि निर्देशक गुरुङले नै तयार पारेका छन् । प्रदीप खड्का, क्रिस्टिना गुरुङको मुख्य भूमिका रहेको फिल्ममा सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, अनुभव रेग्मी, योगिशा खत्री, जीवन भट्टराई, लक्ष्मी बर्देवालगायत कलाकारको दमदार अभिनय देख्न सकिन्छ।

राजेश श्रेष्ठ र पुरुषोत्तम प्रधानले छायांकन गरेको फिल्मलाई सञ्जय स‌ंक्ला, बनिष शाह र भुपेन्द्र अधिकारीले सम्पादन गर्नुभएको छ । पहिलो पटक एकसाथ विदेशका धेरै हलहरुमा प्रदर्शन हुने निश्चित भएको प्रेम गित–३ पहिलोपटक हिन्दी संस्करणमा प्रदर्शन हुन लागेको हो।

२०७९ आश्विन ४, मंगलवार प्रकाशित 0 Minutes 102 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार