असार २५, काठमाडौ : धरान उपमहानगरपालिकाका मेयर हर्क साम्पाङ्गले मेयरका लागि भनेर खरिद गरिएको स्कोरपियो बेचेर बाटो मर्मत गर्ने जेसीबी रोलर किन्ने भएका छन् ।
मेयर साम्पाङ्गले मेयर चढ्न भनेर खरिद गरिएको महेन्द्राको स्कोरपियो बेचेर जेसीबी रोलर खरिद गर्न गरेको प्रस्ताव नगर कार्यपालिकाले सर्वसम्मत रुपमा पारितसमेत गरेको बताएका छन् ।
बिहीबार बसेको नगर कार्यपालिकाको बैठकमा मेयर साम्पाङ्गले सो प्रस्ताव लगेका थिए । मेयरले लगेको प्रस्ताव कार्यपालिकाबाट सर्वसम्मत रुपमा पारित गरिएको मेयरले आफ्नो सामाजिक सञ्जालमार्फत् बताएका छन् ।
आफू धरान उपमहानगरपालिकाको मेयरमा निर्वाचित भएपछि मेयर साम्पाङ्ग मेयर चढ्ने चिल्लो गाडीले बाटोको खाल्डाखुल्डी नदेखिने भन्दै आफू निजी मोटरसाइकलमै हिँड्दै आइरहेका छन् ।
२०७९ असार २५, शनिबार प्रकाशित
0 Minutes
213 Views
