जेठ १८, कास्की : राष्ट्रिय गौरवका आयोजनामध्येको एक आयोजना हो पोखरा क्षेत्रीय अन्तराष्ट्रिय विमानस्थल । पोखरा क्षेत्रीय अन्तराष्ट्रिय विमानस्थल सम्पन्न भएमा देशले अन्य
दुईटा अन्तराष्ट्रिय विमानस्थल पाउनेछ । गौतमबुद्ध अन्तराष्ट्रिय विमानस्थल २०७१ मा शिलान्यास गरिएको थियो । शिलान्यास भएको सात वर्षमा सम्पन्न भएर पनि जेठ २ गतेबाट व्यवसायिक उडान गरिएको छ ।
६ अर्ब ८२ करोड लागतमा निर्माण भएको गौतमबुद्ध विमानस्थल संचालनमा आएपनि २०७३ बैसाख १ गते शिलान्यास गरिएको पोखरा अन्तराष्ट्रिय विमानस्थल अझै संचालनमा आउन सकेको छैन ।
२२ अर्ब लागतमा निर्माण हुँदै गरेको पोखरा अन्तराष्ट्रिय विमानस्थलमा हालसम्म ९६ प्रतिशत काम सम्पन्न भएको छ । पूर्ण रुपमा सम्पन्न नभएता पनि चीन सरकारले नेपाल सरकारलाई उक्त विमानस्थल हस्तान्तरण गरिसकेको छ ।
अहिल विमानस्थलको ९६ प्रतिशत काम सम्पन्न भएतापनि संचालनमा ढिलाइ हुने देखिएको छ । ल्याण्डफिल्ड साइड, सिँचाई र रिठेपानी डाँडाको कारण विमानस्थल संचालनमा आउन ढिला हुने भएको हो ।
विमानस्थलमा हालसम्म १४ वटा ट्रमिनल
बिल्डिङ, फिनिसिङ, ल्याण्डस्क्यापको काम सम्पन्न भएको छ । निर्माण कार्य जुलाई १० सम्म सम्पन्न हुने विमानस्थलले जानकारी दिएको छ ।
विमानस्थलभित्र पनि कर्मचारीको व्यवस्थापनदेखि अन्य काम पनि बाँकी नै रहेको छ । अन्तराष्ट्रिय स्तरको विमानस्थलमा हुनुपर्ने महत्वपूर्ण विशेषताहरुलाई अनुसरण गर्दै विमानस्थल संचालनमा ल्याइने आयोजना प्रमुख विनेश मुनकर्मीले बताए ।
नेपाल नागरिक उड्डयन प्राधिकरणबाट विमानस्थल संचालनका लागि कार्यदल गठन भइसकेको छ र कार्यदलले आफ्नो काम अगाडि बढाइसकेको छ ।
कार्यदलले विमानस्थल निर्माणमा भएका कमीकमजोरीलाई सुधार्ने काम गर्नेछ । ल्याण्डफिल्ड साइट, रिठेपानी डाँडा, सिँचाई प्रमुख समस्या देखिएता पनि सो समस्याको समाधान तर्फ विमानस्थल लागिपरेको छ । देखिएका तीन समस्या समाधान भए पोखरा क्षेत्रीय अन्तराष्ट्रिय विमान स्थल संचालनमा आउने मुनकर्मीले बताए ।
अहिले नेपाली र विदेशी गरेर तीन सय जनाले दिनको १२ घण्टा काम गरिरहेका छन् । पोखरा अन्तराष्ट्रिय विमानस्थल संचालनमा आएको खण्डमा पोखराको पर्यटन प्रवर्द्धनमा टेवा पुग्ने विश्वास लिएको छ ।
