काठमाडौं : नेपाल भारत सीमामा तारबार लगाएर चर्चामा आएका वडाध्यक्ष चुनावमा पराजित भएका छन् । नेकपा माओवादी केन्द्रबाट ठोरी गाउँपालिका वडा नं ३ को

वडाध्यक्षमा उम्मेदवारी दिएका उनलाई नेकपा एमालेका शम्भु खड्काले पराजित गरेका हुन् । लिपुलेक र कालापानी क्षेत्रमा भारतीय पक्षले मिचेको सीमाको विषयलाई लिएर सडकदेखि सदनसम्म सीमामा काँडेतार लगाउन माग भइरहेको बेलामा

उनले २०७४ सालदेखि ४ वर्ष लगाएर विकास बजेट कटौती गरेर सीमामा तारबार लगाएका थिए । उनले २०७४ मा भएको स्थानीय तहको निर्वाचनमा विजयी भएपछि पहिलो वर्ष

१५ लाख, दोस्रो वर्ष १० लाख र तेस्रो वर्ष ८ लाख रुपैयाँ बजेट छुट्याएर तारबार लगाएका थिए । उनले ठुटे खोलादेखि ब्रह्मनगरसम्मको पाँच किलोमिटरमा तारबार लगाएका थिए । तर उनको यो प्रयासलाई जनताले अनुमोदन गरेर चुनाव भने जिताएनन् ।

सुदर्शन खबर